ዜና ድምጺ ኣመሪካ VOA (ትግርኛ)

ብሓድሽ ፍሉይ ልኡኽ ቀ/ኣፍሪቃ ዝምራሕ ጉጅለ ምስ ሰበ ስልጣን ኢትዮጵያ ተራኺቡ ምዝርራቡ ተገሊጹ

መበል 35 ኣኼባ መራሕቲ ሕብረት ኣፍሪቃ ኣብ ኣዲስ ኣበባ ብኣካል ኣብ ዝመጽእ ሰሙን ክካየድ ምኽኣሉ ንኢትዮጵያ ዓብይ ዲፕሎማሲያዊ ዓወት'ዩ ክብሉ ወሃቢ ቃል ሚኒስትሪ ጉዳያት ወጻኢ እታ ሃገር ኣምባሳደር ዲና ሙፍቲ ገሊጾም። ኣምባሳደር ዲና ሙፍቲ ሎሚ ኣብ ዝሃብዎ ሰሙናዊ ጋዜጣዊ መግለጺ እቲ ኣኼባ ኣብ ኣዲስ ኣበባ ምክያዱ እቲ ዓብይ መልእኽቲ ኣብ ኢትዮጵያ ሰላም የለን ንዝብል ዘፍርስ ብምኻኑ እዩ ኢሎም። ኣምባሳደር ዲና ሙፍቲ እቲ ኣኼባ ብኣካል ኣብ ኣዲስ ኣበባ ክካየድ ድሕሪ ክልተ ዓመታት ንፈለማ ግዜ'ዩ። እዚ ኣኼባ ንክካየድ ንምግባር ብዙሕ ዲፕሎማስያዊ ላዕልን ታሕትን ኔርዎ'ዩ እውን ኢሎም። ብኻልእ ዜና ተሓጋጋዚት ጸሓፊ ጉዳያት ወጻኢ ኣመሪካ ሞሊ ፍንን ሓድሽ ፍሉይ ልኡኽ ኣመሪካ ንጉዳያት ቀርኒ ኣፍሪቃ ደቪድ ሳተርፊልድንን ሎሚ ኣብ ኣዲስ ኣበባ ምስ መራሕቲ ኢትዮጵያ ተራኺቦም ከም ዝዘራረቡ'ዉን ገሊጾም'ለዉ። ይኹን ደኣ እምበር ግን ምስ መን ከምዝተራኸቡ ኣይገለጹን። ድምጺ ኣመሪካ ኣዲስ ኣበባ ካብ ዝርከብ ኤምባሲ ኣመሪካ ዝረኸቦ ሓበረታ ክልቲኦም ሰበ ስልጣን ኣብቲ ኣብ ቀረባ ኣብ መንጎ ፕረዚደንት ባይደንን ቀዳማይ ሚኒስተር ኣብይን ዝገበርዎ ናይ ስልኪ ምይይጥ ተመስሪቶም ኣብ መጻኢ ዝግበሩ ስጉምታት ክዘራረቡ'ዮም ኢሉ'ሎ። እቲ ኤምባሲ ኣመሪካ ወሲኹ ንዝተኸፍተ ማዕጾ ሰላም ተጠቂምካ መጥቃዕታት ነፈርቲን ካልኦት ጎንጽታትን ጠጠው ምባል ንምቁራጽ ተጻብኦ ልዝብ ምግባር ንኹሎም እሱራት ፖሎቲካ ምፍታሕ ዘይተቋረጸ ሰብኣዊ ረድኤ ክቅጽል ምግባርን ንኹሉ ሓቆፍ ሃገራዊ ልዝብ መሰረት ምንባርን ኣብ ዝብሉ ጉዳያት ምስ ሰበ ስልጣን ኢትዮጵያ ክዘራረቡ እዮም ኢሉ። ካብ መንግስቲ ኢትዮጵያ ብወግዒ ኣብ ዝወጹ መግለጺታት እሱራት ፖሎቲካ ምህላዎም ወይ'ዉን መንግስቲ ኣሸበርቲ ኢሉ ምስ ዝሰየሞም ኣካላት ንምዝርራብ ምውሳኑ ዘርኢ መግለጺ የለን። ​
tigrigna.voanews.com6h

ስእነት ቀረብ መድሃኒት ክልል ትግራይ ዝፈጠሮ ቅልውላው

ኣብ ክልል ትግራይ ዝሓለፈ ሸውዓተ ኣዋርሕ ቀረብ መድሃኒታት ብዘይ ምእታዉ፡ ህዝቢ ንዝሰፍሐ ሕማምን ሞትን ይቃልዕ ኣሎ። ሓካይም ግዜኡ ዝሓለፈ መድሃኒት ክህቡን መርፍእን ጓንቲን ኣምኪኖምን ሓጺቦምን ዳግም ክጥቀሙ ምግዳዶም’ውን ይገልጹ።
tigrigna.voanews.com6h

በዓል ጥምቀት ኣብ ኤርትራን ኢትዮጵያን ተኸቢሩ ውዒሉ

በዓል ጥምቀት ሎሚ ዓመት ኣብ መላእ ኢትዮጵያን ኤርትራን ብዝደመቐ ኣገባብ ተኸቢሩ ከምዝወዓለ ካብ ዝተፈላለየ ከባቢታ እተን ሃገራት ዝመጻና ሓበረታ ኣመልኪቱ`ሎ። ብፍላይ ኣብ ኣዲስ ኣበባ ጃል ሜዳ ኣብ ዝተኸብረ በዓል ብዙሓት ነበርትን ካብ ዝተፈላለያ ሃገራት ወጻኢ ዝመጹ ኢትዮጵያውያንን መራሕቲ ሃይማኖትን ተረኺቦም ኔሮም ክብሉ ወኪላት ድምጺ ኣመሪካ ሓቢሮም። ፓትሪያርክ ኦርቶዶክስ ኢትዮጵያ ኣቡነ ማትያስ ብወኪሎም ኣቡነ ኣረጋዊ ኣቢሎም ኣብ ዘሕለፍዎ መልእኽቲ፡ ኩሉ ንሰላም ንዝግበር ጻዕሪ ክድግፍ ሓቲቶም። ብኻልእ ወገን ኣብ ከተማ ጎንደር ኣብ ባህረ-ጥምቀት ፋሲለደስ ኣብ ዝተኸብረ በዓል ጥምቀት፡ ድሕሪ ኩናት ሰሜን ኢትዮጵያ ዕጽዋ ኮሮናቫይረስን ብዝደመቐ ኣገባብ ምሕላፉ ተፈሊጡ`ሎ። ብዙሓት ካብ ደገ ዝመጹ ኢትዮጵያውያን ምስታፎም`ውን ተጠቒሱ`ሎ። ኣብቲ እዋን ንህዝቢ መደረ ዘስምዐ ፕረዚደንት ክልል ኣምሓራ ዶ/ር ይልቃል ከፍኣለ፡ ሎሚ ዘመን ብዙሓት ወጻእተኛታት ዘይምርካቦም ናይ ውሽጢ ሃገር ቱሪዝም ክነተባብዕ ከምዝግብኣና ዝመላኽት`ዩ ኢሉ። በዓል ጥምቀት ኣብ ክልል ትግራይ`ውን ብናቱ ኣገባብ ተኸቢሩ`ሎ ። ኣብ ኤርትራ ብተኸተልቲ ክርስትና ዓቢ ቦታ ዘለዎን ኣብ ኣደባባይ ዝኽበርን በዓል ጥምቀት ፡ሎሚ 19 ጥሪ ኣብ መላእ ኤርትራ ብዝተፈላለየ ሃይማኖታዊ ስርዓት ብድምቀት ተኸቢሩ። ሊቃነ ጳጳሳት ኣቡነ ቄዎርሎስ ሓሙሻይ ፓትርያርክ ኦርቶዶክሳዊት ቤትክርስትያን ኤርትራ ንኩሎም ህዝበ ክርስትያን ዘለናዮ ዓመት ናይ ሰላምን ራህዋን ክኾነሎም ትምኒቶም ገሊጾም። እቲ ብድሮ ካብ ዝተፈላለዩ ገዳማትን ኣብያተ ክርስትያናትን ናብ ባህረ ጥምቀት ዝግበር ናይ ሕድሮ ስነ-ስርዓት ብምኽንያት ኮቪድ19 ኣይተካየደን፡ኩለን ኣብያተ ክርስትያናትን ገዳማን ብድሮ ጀሚረን ምሉእ ለይቲ ቅዳሰን ጸሎትን ኣብጺሐን።
tigrigna.voanews.com1d

“መስርሕ ሰላም ኢትዮጵያ ተስፋ ዘለዎ ይመስል” ዋና ጸሓፉ ሕ/ሃገራት

ዋና ጸሓፊ ሕቡራት ሃገራት ኣንቶንዮ ጉተረዝ፡ ምስ ፍሉይ ልኡኽ ሕብረት ኣፍሪቃ ኦሊሰገን ኦብሳንጆ ብቴለፎን ድሕሪ ምዝርራቡ ብኽልተ ወገናት ናይ ሰላም ድሌት ዘሎ ይመስል ኢሉ። ጉተረዝ ነዚ ዝጠቐሰ፡ ኦብሳንጆ ናብ መቐለን ኣዲስ-ኣበባን ምስ ላዕለዎት መራሕቲ ክልተ ወገናት ድሕሪ ዘካየዶ ርክብ’ዩ። እቲ ካብ ቤት ጽሕፈት ዋና ጸሓፊ ሎሚ ዝተዘርግሐ ናይ ጽሑፍ ሓበሬታ ከም ዘመልክቶ፡ ምስ ዘሎ ስእነት ጸጥታ፡ ሰብኣዊ ተበጻሕነት ገና ኣጸጋሚ ከም ዘሎ ድሕሪ ምጥቃስ፡ ንዅላቶም ተጻባእቲ ወገናት ምእንቲ ነባሪ ሰላምን ድሕነት ሰላማዊ ህዝቢን ክሰርሑ ተማሕጺኑ። እቲ መግለጺ ወሲኹ፡ ሕቡራት ሃገራትን ካልኦት መሻርኽቲ ኣካላቲን ኵሉ-ሓቆፍ ፖለቲካዊ ዘተ ከም ዝድግፍ ድሕሪ ምምልካት፡ ኵላቶም ኣካላት ነቲ ዘተ ብንጹህ ልቢን ቅሩብነት ክመጹዎ ጸዊዑ።
tigrigna.voanews.com1d

ኣብ ኦሮምያ ዞባ ሆሮ ጉድሮ ዕጡቓት ብምድጋፍ ተጠርጢሮም ዝትኣስሩ ሰባት ንሰለስተ ኣዋርሕ ናብ ፍርዲ ከምዘይቐረቡ ተገሊጹ

ኣብ ኢትዮጵያ ክልል ኦሮሚያ ዞባ ሆሮ ጉዱሩ ወረዳ ኣሙሩ፡ ንዕጡቓት ብምድጋፍ ተጠርጢሮም ዝተኣስሩ ሰባት ንዝሓለፈ ሰለስተ ኣዋርሕ ናብ ፍርዲ ከምዘይቀረቡ ኣባላት ቤተሰቦም ገሊጾም። ምኽትል ኣዛዚ ፖሊስ`ቲ ወረዳ ሳጅን ወልተጂ ነሞምሳ፡ ካብ መንጎ`ቶም ዝተጠርጠሩ ልዕሊ 30 ሰባት ናጻ ለቒቕና ኢና፡ ብዛዕባ`ቶም ዘይተፈትሑ ድማ መረዳእታ ኣኪብና ኣይወዳእናን ክብል ምላሽ ሂቡ። እቲ ምኽትል ኣዛዚ ፖሊስ ወረዳ ኣብቲ ወረዳ ዝተኣስራ ክልተ ደቀንስትዮ ሰብኣዊ በደል ከምዝተፈጸመን ንዝተሰምዐ ቅሬታ ድማ ፍጹም ሓሶት`ዩ ዝብል ምላሽ ሂቡ`ሎ። ብዛዕባ`ዚ ካብ መንግስቲ 'ሸኔ ' ክብል ዝጽውዖ ንባዕሉ ድማ ሰራዊት ሓርነት ኦሮሞ ኢሉ ዝጽውዕ ዕጡቕ ጉጅለ ዝተዋህበ ርእይቶ የለን።
tigrigna.voanews.com1d

ክልተ ዲፕሎማት ኣመሪካ ናብ ቀርኒ ኣፍሪቃ ክበጽሑ'ዮም

ነቲ ኣብ ሱዳን ሲቪላዊ ደሞክራሲያዊ መሰጋገሪ መንግስቲ ዳግም ንምጥያስ ብሕቡራት ሃገራት ዝግበር ዘሎ ጻዕሪ ንምድጋፍ ክልተ ዲፕሎማት ኣመሪካ ኣብዚ ሰሙን`ዚ ኣብ ቀርኒ ኣፍሪቃ ኣለዉ። ፍሉይ ልኡኽ ኣመሪካ ደቪድ ሳተርፊልድን ምኽትል ሚንስተር ጉዳያት ወጻኢ ሞሊ ፊን፡ ምስ ሓደ ኣብ ሱዳን መሰጋገሪ መንግስቲ ክትከል ዝጽውዕ ጉጅለ ንምርኻብ ናብ ሪያድ ተጓዒዞም ኣለዉ፡። እቲ ዲፕሎማት ኣብ ካርቱም`ውን ምስ ወተሃደራዊ መራሕቲ ሱዳን፡ ምስ ደገፍቲ ደሞክራስን ማሕበራት ደቀንስትዮን ክራኸቡ`ዮም። ዳይሬክተር መጽናዕቲ ኣብ ማእከል ኣፍሪቃ ንስትራተጂያዊ መጽናዕቲ ጆሰፍ ሲግል ኣመሪካ ቅልውላው ሱዳን ብልዝብ ንፍታሕ ኣብ ዝግበር መሰርሕ ዘይትካእ ግደ ኣለዋ ይብል።
tigrigna.voanews.com1d

ዘተ: ኣብ ኲናት ሰሜን ኢትዮጵያ ንምፍታሕን ሃገራዊ ዘተ ንምክያድን ተባሂሎም ዝተወስዱ ስጉምቲታት

ኣብ ኢትዮጵያ ክልል ትግራይ ንልዕሊ ሓደ ዓመት ኣብ መንጎ ሓይልታት ምክልኻል መንግስትን ሓይልታት ትግራይን ክካየድ ዝፀንሐ ኲናት መዓልቦ ናብ ዘምፅእ ደረጃ ንምስጓም ሃገራዊ ዘተ ብዝብል መንግስቲ እሱራት ፖለቲካ ፈቲሐ ምባሉን በቲ ኻልእ ድማ ኣብ ትግራይ ደብዳባት ሰብ ኣልቦ ነፈርትን ክልከላ ሰብኣዊ ሓገዛትን ቀፂሉ ይርከብ ።እቲ ዝበሃል ዘሎ ዘተ ሰላም ማዕረ ክንደይ ሓቀኛ እዩ? እቶም ተወሲዶም ዝተባህሉ ስጉምትታት'ኸ ማዕረ ክንደይ ነቲ ሰላም ዘግህዱ እዮም? ኣብ ዝብሉ ኣቶ ሓጎስ ወልደኪዳን ኣብ ስፔሻላይዝድ ሆስፒታል ጥቁር ኣምበሳ ማኔጂንግ ዳይሬክተር ካብ ኣዲስ ኣበባ:ኣቶ ኣለማዮህ ፈንታው ወልደማርያም መምህርን ተመራማርን ሕግን ሕገመንግስታዊ ሕግን ካብ ዋሽንግተን ዲሲ እዮም ። ምሉእ ትሕዝቶ ኣብዚ ምስማዕ ይክኣል።
tigrigna.voanews.com2d

ዳያስፖራዊያን ናብ ትግራይ ገንዘብ ዝልእኽሉ ኣገባብ ከምዘለዋ ማሕበር ልምዓት ትግራይ ኣፍሊጣ

ማሕበር ልምዓት ትግራይ፣ ኣብ ወጻኢ ዝነብር ዝኾነ ሰብ ኣብ ትግራይ ናብ ዝነብር ሰብ (ንኤርትራዊያን ስደተኛታት'ውን ወሲኹ) ገንዘብ ንምልኣኽ ዘኽእል ምቅርራባት ፈጺሙ ይትግብር ከምዘሎ ኣፍሊጡ። ኣፈጻጽማን ኣለኣእኻን ገንዘብ ከመይ ከምዝትግበር ጸሓፊ ማሕበር ልምዓት ትግራይ ጨንፈር ሰሜን ኣመሪካ ኣቶ ሚካኤል በርሀ መብርሂ ሂቡና ኣሎ። ማሕበር ልምዓት ትግራይ (ማልት) ኣብ ኣመሪካ ንመኽሰብ ዘይቆመት ትካል ረድኤት ተባሂላ ዝተመዝገበትን ነዛ ማሕበር ገንዘብ ዝልግሱ ኣብ ዓመታዊ ግብሪ ኣካቲቶም ተመላሲ ክኾኖሎም ዝካኣልን ከምዝኾነ’ውን ኣቶ ሚካኤል ጠቂሱ። እንተኾነ ብዙሕ ድያስፖራ ካብ ምሉእ ዓለም ገንዘብ ክሰድድ ኸምዝጸንሐን እታ ማሕበር ምስቲ ኣብ ትግራይ ዘሎ ናይ መራኸቢ ጸገም ነቲ ዝተሰደደ ገንዘብ ብዝድለ ቅልጣፈ ንተጠቃሚ ንምምሕልላፍ ካብ ዝተገመተ ንላዕሊ ነዊሕ ጊዜ ስለዝወሰደላ ዛጊድ ንዝተላእኸ ክሳብ ዝጻፈፍ ሓዱሽ ምቕባል ንዘይተወሰነ ጊዜ ደው ከምዘበለ ማሕበር ልምዓት ትግራይ ኣፍሊጡ ኣሎ። ማሕበር ልምዓት ትግራይተወሳኺ ሓበሬታ ምስረኸብና ክንገልጸኩም ኢና ይብል ። ምሉእ ትሕዝቶ ቃለ መሕትት ኣብዚ ምስማዕ ይክኣል።
tigrigna.voanews.com3d

ጉባኤ ሕ/ኣፍሪቃ ኣብ አዲስ አበባ ክካየድ ምውሳኑ ዲፕሎማሲያዊ ረብሓ ከምዘለዎ ተገሊጹ

ጉባኤ ሕብረት ኣፍሪቃ ኣብ ኣዲስ ኣበባ ብኣካል ክካየድ ምውሳኑ ካብ ቁጠባ ብዝዘለለ ዲፕሎማሲያዊ ረብሓ ከምዘለዎ ተገሊፁ። እቲ ጉባኤ ኣብ ኢትዮጵያ ምክያዱ ናይታ ሃገር ሰላም ዘንፀባርቕ ከምዝኾነ ወሃቢ ቃል ሚንስትሪ ጉዳያት ወጻኢ ኣምባሳደር ዲና ሙፍቲ ንድምጺ ኣመሪካ ገሊፆም። ቀዳማይ ሚንስትር ኣብይ ኣሕመድ እቲ ጉባኤ ኣብ ኢትዮጵያ ክካየድ ምውሳኑ ስዒቡ ኣብ ዘውፅእዎ ናይ ፅሑፍ መግለፂ ኢትዮጵያ ኣብ ጉዳያት ኣፍሪቃ ዘለዋ ፅኑዕ መርገፂ ዝተረድኡ ዝበሉዎም ውሳነ መራሕቲ ኣፍሪቃ ብምሕላፎም ኣመስጊኖም።ኣብ ዝሓለፈ ሰሙን ዝተፈፀመ ምፍታሕ እሱራት ነዚ ውሳነ ኣበርክቶ ከምዘለዎ ተዛሪቦም። ኣብ ዩኒቨርስቲ ኣዲስ ኣበባ መምህር ሕጊ ዝኾኑ ዶክተር መሰንበት ኣሰፋ ድማ ኣዲስ ኣበባ ነቲ ጉባኤ ክተተኣናግድ ምውሳኑ መራሕቲ ኣፍሪቃ ንኢትዮጵያ ብዝሓሸ ከምዝተረድእዋ ዝሕብር እዩ ኢሎም።
tigrigna.voanews.com3d

ግጭት ኢትዮጵያ ንምፍታሕ ናይ ሰላም ተስፋ'ዶ ይህሊ?

ኣብዚ ኣርእስርቲ እዚ ትንታነ ክህቡና ኣብ ጀርመን ኣብ ዝርከብ ሃምቡርግ ዩኒቨርስቲ ተመራማሪ ድህረ ዶክተርቴ ዝኾነ ዶክተር ሓጎስ ኣብርሃ ካብ ሃምቡርግን ኣብ ዩኒቨርስቲ መቐለ መምህር ዝነበረ ኣርክቴክ ኤርሚያስ ኣማረ ካብ ከተማ ኒው ዮርክን እዮም።ክልቲኦም ንፖለቲካ ናይቲ ዞባ ዝከታተሉን ኣብ ማሕበራዊ ሚዲያ ሪኢቶታቶም ዘካፍሉን እዮም። ናይ ሰላም ተስፋ ይርኣዮም እንተኾይኑ፣ካብ ግጭት ንምውፃእ መፍትሒ ሓሳባት ዝብሉዎም፣ዝርርብ ፕሬዝዳንት ኣሜሪካ ጆ ባይደንን ናይ ኢትዮጵያ ቀዳማይ ምንስቴር ኣብይ ኣሕመድን፣ከምኡ እውን ኣቶ ስብሓት ነጋ ሓዊሱ ምፍታሕ እሱራትን ብዝምልከት ሓሳቦም ኣካፊሎምና ኣለው። ምሉእ ትሕዝቶ ኣብዚ ምስማዕ ይክኣል።
tigrigna.voanews.com3d