VOA News Tigrinya ድምጺ ኣመሪካ

ኣመሪካ: ሰነተር ካማላ ሃሪስ ምክትል ሕጹይ ፕረዚደንት ጆ ባይደ ክትከውን ተመሪጻ

ፕረዚደንታዊ ሕፁይ ዴሞክራቲክ ፓርቲ ኣሜሪካ ጆ ባይደን ንሴነተር ካሜላ ሃሪስ ምኽትል ፕረዚደንት  ንክኾና ሓርየምወን።   ጆባይደንን ካሜላ ሃሪስን ሎሚ    ረቡዕ ንፈለማ  እዋን ብሓባር መግለጺ ክህቡ እዮም።        ከም አዳላዊ ኮሚቴ ባይደን ሃሪስ ንፕረዚደንት ትራምፕን  ምኽትሎም ማይክ ፔንስን  ኣብቲ ወርሒ ሕዳር ዝካየድ ምርጫ ብምስዓር ዳግም መንፈስ ሓባራውነት እታ ሃገር ንምምላስን  እዛ ሃገር ንቕድሚት ንምስጓምን ከምዝሰርሑ ክዛረቡ ትጽቢት ይግበር።        ምሉእ ትሕዝቶ ኣብዚ ምስማዕ ይክኣል።
tigrigna.voanews.com
11h

ኣብ መንጎ ኣል ሸባብን ነበርቲ ማእኸላይ ዞባ ሶማልን ብዝተኻየደ ውግእ 10 ሰባት ምሟቶም ተገሊጹ

ኣብ መንጎ ኣል ሸባብን ዕጡቓት ነበርቲ ማእኸላይ ዞባ ሶማልን ብዝተኻየደ ውግእ ብውሑዱ   10 ሰባት ምሟቶም መሰኻኽርን ሰበስልጣንን ገሊፆም።            እቲ ናይ ሎሚ ረቡዕ ውግእ ዝጀመረ ነቲ ከባቢ ዝቆፃፀሩ ብከቢድ ዝተዓጠቑ ወታሃደራት ኣል ሸባብ ኣብ ልዕሊ ነበርቲ ሻበለው ግብሪ ንምፅዓን ኣብዝፈተንሉ እዋን እዩ።           መራሒ ናይታ ገጠር ዓዲ መሓመድ ኢብራሂምበቲ ውግእ ሸሞንተ ነበርትን ገለ ዕጡቓት          ኣል ሸባብን ምሟቶም ገሊጾም ኣለው ኢሎም ።
tigrigna.voanews.com
11h

ቀ/ሚ ኣብይ ኣሕመድ : ኣቶ ሽመልስ ኣብዲሳ ዝተዛረብዎ ንዝተባህለ ርእይቶ ነቒፎም

ቀ/ሚ ኣብይ ኣሕመድ ፕረዚደንት ክልል ኦሮምያ ኣቶ ሽመልስ ኣብዲሳ፣ ቅድሚ ሸሞንተ ወርሒ ዝተዛረብዎ፣ ግጉይን ክግምገም ከምዝኾነን አብ ኣኼባ ብልጽግና ፓርቲ  ክልል ኣምሓራ ምግላጾም ወሃቢ ቃል ቤት ጽሕፈት ቀ/ሚ ኣፍሊጦም።      ‘ፕረዚደንት ክልል ኦሮምያ ኣቶ ሽመልስ ኣብዲሳ፣ ቅድሚ ሸሞንተ አዋርሕ ዝተዛረብዎ፣ ግጉይን ክግምገም ዘለዎን ምኳኑ’ ቀ/ሚ ኣብዪ ኣሕመድ አብ ኣኼባ ፓርቲ ብልጽግና ክልል ኣምሓራ ምግላጾም ወሃቢ ቃል ቤት ጽሕፈት ቀ/ሚ አቶ ንጉሱ ጥላሁን ጠቂሶም።       እቶም ቀ/ሚ ናብ ባህርዳር ዝኣተውሉ ጊዜ ምስ ምዝዛም ንሰለስተ መዓልታት ክኻየድ ዝቐነየ ኣኼባ ፓርቲ ብልጽግና ክልል ኣምሓራ ተገጣጢሙ ኣሎ። አቶ ንጉሱ ጥላሁን ቀ/ሚ ኣብይ ኣሕመድ መብርሂ ምሃቦም ውን ሓቢሮም ኣለው።      እቲ መብርሂ  ፕረዚደንት ክልል ኦሮምያ ኣቶ ሽመልስ አብዲሳ፣ ቅድሚ ሸሞንተ ኣዋርሕ ኢሎምዎ ዝተባሃለን ብማሕበራዊ ሚድያታት ዝተወዓወዐን ፖለቲካዊ ርእይቶ ማእከል ዝገበረ እዩ።      ኣቶ ንጉሱ ወሲኾም ‘ብዛዕባ እቲ ጉዳይ ንክቡር ቀ/ሚ ከምዝተለዓለሎም፣ እቶም ቀ/ሚ ድማ ቅኑዕ ከምዘይኮነ እቲ ዝተፈነወ መልእኽቲ ብትሕዝትኡን ብውጽኢቱን ቅኑዕ ዘይምዃኑ፣ ክእረምን ክግምገምን ከምዝግባእ ንተኣከብቲ ኣረጋጊጾም እዮም’ ኢሎም።      እቲ ዝተባሃለ ካብ ኢትዮጵያ ንላዕሊ ኣይኮነን ዝበሉ ኣቶ ንጉሱ ጥላሁን ንኢትዮጵያን ኢትዮጵያዊያንን እናሃነጽና ኣብ ውሽጥና ንዝላዓሉ ኣበራት እናአረምና ክንከይድ ኢና ናብ ዝብል ሓባራዊ ምርድዳእ እዩ ተበጺሑ ዘሎ ኢሎም።      ድሕሪ ናይ 15 ሰነ ክስተት ንፈለማ ጊዜ ባህርዳር ዝኣተው ቀ/ሚ ኣብዪ ኣሕመድ፣ ንናይ ኣምሓራ ብልጽግና ፓርቲ መብርሂ ሂቦም፣ ኣብ ፕሮግራም መርሃ ግብሪ ምትካል ፈልሲ’ውን ተሳቲፎም ምስታፎም ወኪል ድምጺ ኣሜሪካ ካብ ከተማ ባህርዳር ሓቢር’ላ።      ምሉእ ትሕዝቶ ኣብዚ ምስማዕ ይክኣል።
tigrigna.voanews.com
11h

ወፍሪ ምርጫ ክልል ትግራይ ምጅማሩ ተገሊጹ

ኣብ ክልል ትግራይ ንዝካየድ ምርጫ ወፍሪ 'ምረፁኒ' ብማዕኸናት ዜና ሎሚ ረቡዕ ተጀሚሩ:: እቲ ጎስጓስ ምርጫ ብምኽንያት ቫይረስኮረና ህዝባዊ ኣኼባታት ዘይካየደሉን ሰላማዊ ሰልፍታት እውን አይህልውዎን ተባሂሉ’ ሎ:: ኣብ ምርጫ ዝሳተፉ ውድባት ፖለቲካ: ብሰለስተ ጣብያታት ቴሌቪዥን: ሰለስተ ኤፍ ኤም ራድዮታትን ሓደ ብሄራዊ ራዲዮ ፕሮግራሞም ምልላይ ጀሚሮም አለዉ:: ምሉእ ትሕዝቶ ኣብዚ ምስማዕ ይክኣል ::
tigrigna.voanews.com
16h

‘ትግራይ ህውከት ክፈጥሩ ንዝፍትኑ ባይታ ኣይትፈቅድን’ ወሃቢት ቃል-መንግስቲ ክልል ትግራይ ወ/ሮ ሊያ ካሳ

ኣብ ኢትዮጵያ ክልል ትግራይ፥ መንእሰያት ኣባላት ፈንቅል እናተባህሉ ይእሰሩ`ለዉ ንዝብል ክሲ ክትምልስ፥ ብድምጺ ኣሜሪካ ዝተሓተተት ሓላፊት ኮምኒኬሽን መንግስቲ`ቲ ኽልል ወ/ሮ ሊያ ካሳ፥ ከምኡ ዝብሃል ጉጅለ ኣብ ትግራይ ባይታ የብሉን፥ ዝኾነ ህውከት ክፈጥር ዝፈተነ ግን ህዝቢ ትግራይ ክጻወሮ ኣይክእልን`ዩ ኢላ። ካልኣይ ክፋል ቃለ መጠይቕ  ወ/ሮ ሊያ ካሳ  ኣብዚ ምስማዕ ይክኣል።
tigrigna.voanews.com
1d

ግብረመልሲ መንግስቲ ክልል ትግራይ ንክስታት ክልል ደቡብ

መንግስቲ ደቡብ ክልል ኢትዮጵያ ትማሊ ኣብ ጉዳይ ምእሳር አባላት ኣመራርሓ ዞባ ወላይታ ብዝምልከት ኣብ ዝሃቦ መብርሂ እቶም ዝተኣሰሩ ኣመራርሓ ምስ ህወሓትን ኦኔግ ሸኔን ብምትሕብባር ውዲትን ጥፍኣት ይፍሕሱ ነይሮም ኢሉ:: ነዚ ብዝምልከት ምክትል ሓላፊ ቢሮ ርክብ ህዝብን መንግስትን ክልል ትግራይ ኣይተ ሓዱሽ ካሱ: "ሕቶ ህዝቢ ምምላስ ምስኣበዮም ኣንፈቱ ንምቕያር ዝገብርዎ ፃዕሪ እዩ: ህዝቢ ግና ስለዝፈለጦም ከታልልዎ ኣይኽእሉን" ክብሉ ግብረ መልሲ ሂቦም ኣለው:: ምሉእ ትሕዝቶ ኣብዚ ምስማዕ ይክኣል።
tigrigna.voanews.com
2d

ኤርትራ:ኣብ ዞባታት ደቡብን ጋሽ ባርካን ዝወቕዐ ሓያል ዝናብ ምዕልቕላቕ ውሕጅ ምስዓቡ ተገሊጹ

ኣብ ኤርትራ ኣብ ዝሓለፈ መዓልታት ዝተራእየ ብርቱዕ ዝናብ ኣብ ንብረት፡ጥሪትን ዘራእትን ጉድኣት ከምዘውረደ ተገሊጹ ኣብ ዞባታት ደቡብን ጋሽ ባርካን ብዝወቕዐ ሓያል ዝናብ ዝሰዓበ ምዕልቕላቕ ዉሕጅ ኣብ መንበሪ ኣባይቲ፡ ዘራእትን ጥሪትን ጉድኣት ከምዘውረደ ማዕከናት ዜና ውሽጢ ሃገር ጸብጺበን።በቲ ሓደጋ ሓደ ሰብ ብዉሕጅ ከምተወስደን ቢንቶታት’ውን ከምዝዓነዉን ተሓቢሩ። ምሉእ ትሕዝቶ ኣብዚ ምስማዕ ይክኣል ።
tigrigna.voanews.com
2d

ሩስያ ንዝርጋሐ ሓድሽ ፈውሲ ኮቪድ 19 ኣጽዲቃ

‘ሩስያ ንዝረኸበቶ መድሓኒት ጸረ ቫይረስ ኮሮና፣ ኣብ ጥቅሚ ንክውዕል ከምዝፈቀደት’ ፕረዚደንት  ቭላድሚር ፑትን ገሊጾም። ብዛዕባ እቲ ሓድሽ መድሓኒት ጸረ ቫይረስ ኮሮና፣ እኹል ሓበሬታ ወይካኣ ክሳዕ ክንደይ ኣብ ሰባት ውጽኢታዊ ከምዝኾነ ግና ኣይነጸሩን።   ፕረዚደንት ፑትን‘ነዚ ዜና’ዚ ወግዓዊ ዝገበሩ፣ ኣብ ናይ ሎሚ ኣኼባ ካቢነ ሃገሮም እዩ’።   ንሶም አብ ዘረበኦም ‘እቲ ብትካል ገማልያ ዝተሰርሐ ፈውሲ ቫይረስ ኮሮና፣ ውጽኢታዊን ውሑስ ምክልኻልን ዝፈጥርን ከምዝኾነ ይፈልጥ እየ’ ኢሎም።   ፑትን ወሲኾም ‘አብ መባእታዊ መርመራ ዝተሳተፈት ጓሎም መጠነኛ ረስኒ ነይሩዋ፣ ኣብ ካልኣይ መዓልቲ ግና ዝነበራ ረስኒ ኣዝዩ ኣንቆልቁሉ’ ኢሎም።   ‘ጅምላዊ ፍርያት እቲ ሓድሽ መድሓኒት ጸረ ኮቪድ 19 ዝመጽእ ጥቅምቲ ከምዝጅምር እውን ፕረዚደንት ፑትን ሓቢሮም። እቲ ሓድሽ ክታበት ጸረ ኮቪድ 19፣ንክብሪ እቲ ኣብ 1957 ናብ ህዋ ዝተሓምበበ ፈላማይ ሰብ ተባሂሉ ስፑትኒክ ራብዓይ ዝብል ስም ተዋሂብዎ ኣሎ። ።  ፈላሞት ተጠቀምቲ እቲ መድሓኒት ሓካይም፣ መማህራንን ንሓደጋ ተቃሊዖም ዝሰርሑ ሰባትን ከምዝኾኑ ሰበ ስልጣን ሩስያ ገሊጾም ኣለው።
tigrigna.voanews.com
2d

ኣብ ወላይታ ብዝተፈጥረ ግጭት 5 ሰባት ምሟቶም ተገሊጹ

ኣብ ወላይታ ብዝተፈጥረ  ግጭት  5 ሰባት ከምዝሞቱን ብዝሖም ዘይተፈልጠ ካልኦት ከምዝተጎድኡን ምክትል ምምሕዳር’ቲ ክልል ኣቶ ርስቱ ይርዳው ገሊጾም።    ኣቶ ርስቱ ወሲኾም ‘ሃገር ንምፍራስ ምስ ዝሰርሑ ኣካላት ተመሳጢሮም’ ዝተባሃሉ ንኣመራርሓ’ቲ ዞባ ወሲኹ 26 ሰባት ከምዝተኣሰሩ’ውን ጠቂሶም።    ‘መንግስቲ ንሕቶ ህዝቢ ሰላማዊን ሕገ መንግስታዊን መልሲ ንምሃብ ፍሉይ ትኹረት ሂቡ እናሰርሐ ከሎ ዝተኸሰተ ነገር ከምዘሕዘኖም’ ንናይቲ ክልል ሚድያ ገሊጾም።    ነበርቲ’ቲ ዞባ ትማሊ ንድምጺ ኣሜሪካ  ኣብ ዝሃብዎ ርእይቶ፣ ‘ዝተኣሰሩ መናእሰያትን መራሕትናን ይፈትሑ’ ኢሎም ዝተላዓለ ተቃውሞ ስዒቡ ምስ ሓይሊ ጸጥታ ግጭት ተፈጢሩ ብርክት ዝበሉ ሰባት ተጎዲኦም ኣስታት ዓሰርተ ሰባት ከምዝተቀትሉን ምግላጾም ይዝከር።   እዚ ከምዚ’ሉ ከሎ፣ ክልላዊ ምምሕዳር ደቡብ ኢትዮጵያ፣ ብዛዕባ ምእሳር ኣመራርሓ ዞባ ወላይታ አመልኪቱ ትማሊ ኣብ ዝሃቦ መግለጺ ‘እቶም ዝተኣሰሩ ኣባላት ኣመራርሓ፣ ምስ ህወሓትን ኦኔግ-ሸኔን ተሓባቢሮም ውዲት ጥፍኣት ይፍሕሱ ዝነበሩ’ዮም’ ከምዝበለ ተፈሊጡ።    ንክልል ትግራይ የመሓድር ዘሎ ህወሓት ብወገኑ ‘ሕቶ ህዝቢ ምምላስ ምስ ኣበዮም ኣንፈቱ ንምቕያር ዝገብርዎ ፃዕሪ እዩ፣ ህዝቢ ግና ስለዝፈለጦም ከታልልዎ ኣይኽእሉን’ ክብል መልሲ ሂቡ’ሎ።
tigrigna.voanews.com
2d

አዲስ አበባ: ኣብ ቐይዲ ዝርከቡ 5 አባላት ህውሓት ቤት ፍርዲ ቀሪቦም

‘ንድሕነት ኢትዮጵያ፣ ኣብ ሓደጋ ኣውዲቆም፣ መንግስታዊ ሚስጢር ንናይ ወጻኢ ጉጅለ  ራዕዲ ኣሕሊፎም ሂቦም፣ ዕግርግርን ህውከትን ንክላዓል ገይሮምን ብዝብል ክሲ ተጠርጢሮም ኣብ ቐይዲ ዝኣተው አባላት ኣመራርሓ ዝርከዎም ሓሙሽተ አባላት ህውሓት ሎሚ ሰሉስ አብ ቤት ፍርዲ አዲስ አበባ ቀሪቦም።    እቶም ተጠርጠርቲ፣ ሓላፊ ቤት ጽሕፈት ህወሓት ጨንፈር አዲስ አበባ ኣቶ ተወልደ ገብረጻዲቅ፣ ዳይረክተር ሕጊን ፍትሒን ኣቶ ተስፋኣለም ይሕደጎ፣ ሓላፊ ቢሮ ድሕነት ጨንፈር ኣቃቂን ቃሊቲን ኣቶ አጽባሃ አለማየሁን ምስ ካልኦት ክልተ ሰባት እዮም።    ፖሊስ፣ ንናይታ ሃገር ሕገ መንግስቲ ብሓይሊ ንምፍራስ ምስ ካልኦት ጉጅለታት ሽብር ተሓባቢሮም ሰሪሖም ተባሂሎም ንዝጠርጠሮም መርመራ ይገብረሎም ከምዘሎ ጠቂሱ: ተወሳኺ 14 መዓልታት ንክፍቀደሉ ንቤት ፍርዲ ሓቲቱ።     ጠበቃታት እቶም ተጠርጠርቲ ግና ‘ዓማዊሎም እንደገና ተታሒዞም ምቅራቦም ግቡእ ኣይኮነን፣ ተወሳኺ ጊዜ ንፖሊስ ክፍቀድ የብሉን፣ ተጠርጠርቲ ብዋሕስ ክፍትሑ ኣለዎም’ ዝብል ተቃውሞ ኣቅሪቦም።     ቤት ፍርዲ ድሕሪ ዝቀረበሉ ሙግት፣ ትእዛዝ ንምሃብ ንድሕሪ 6 መዓልታት ቆጸራ ሂቡ ኣሎ።
tigrigna.voanews.com
2d